Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । चालू आर्थिक वर्षको पाँच महिनामा ८ खर्ब ७० अर्ब रुपैयाँभन्दा धेरै रेमिट्यान्स भित्रिएको छ । नेपाल राष्ट्र बैंकले आज सार्वजनिक गरेको आर्थिक तथा वित्तीय अवस्थाको प्रतिवेदन अनुसार पाँच महिना अर्थात् साउनदेखि मङ्सिरसम्म ८ खर्ब ७० अर्ब ३१ करोड रुपैयाँ रेमिट्यान्स भित्रिएको छ ।
यो गएको वर्षको यही अवधिको तुलनामा ३५ दशमलव ६ प्रतिशतले धेरै हो । राष्ट्र बैंकका अनुसार मङ्सिर महिनामै मात्रै १ खर्ब ८३ अर्ब १८ करोड रुपैयाँ रेमिट्यान्स भित्रिएको छ । गएको वर्षको यही महिनामा १ खर्ब १८ अर्ब ७९ करोड रुपैयाँ रेमिट्यान्स भित्रिएको थियो ।
यस्तै पाँच महिनामा वैदेशिक रोजगारीका लागि अन्तिम श्रम स्वीकृति लिनेको संख्या भने केही घटेको छ । यो अवधिमा १ लाख ७५ हजार ५ सय ९१ जनाले अन्तिम श्रम स्वीकृति र १ लाख ६३ हजार ९ सय २४ जनाले पुनः श्रम स्वीकृति लिएका छन् । अघिल्लो वर्षको यही अवधिमा १ लाख ९० हजार ३ सय ८४ जनाले अन्तिम श्रम स्वीकृति र १ लाख ३५ हजार ४ सय २५ जनाले पुनः श्रम स्वीकृति लिएका थिए ।
