सहकारी अभियानप्रति सदस्यहरुको विश्वास बढाउन केवल ५ वटा काम इमानदारीपूर्वक गरे पुग्छ:

१.प्रत्येक सहकारी संघ संस्थाका सञ्चालकहरुले सहकारीको वास्तविक पुँजी आफ्ना सदस्य हुन् जसलाई उनीहरुले सेवामार्फत संस्थाप्रति बफादार बनाइरहनुपर्छ ।

२. प्रत्येक सहकारीले आफ्ना सदस्यहरुको आर्थिक, सामाजिक, सांस्कृतिक र भूगोलका हिसाबले सेवा र सुविधाहरु निर्धारण गरी सदस्य सन्तुष्टिको अधिकतम प्रयासहरु गरिरहनुपर्छ ।

३.सञ्चालक समिति र लेखा सुपरिवेक्षण समितिमा रहने अभियन्ताहरुले सुशासन दृश्यमा देखिने वस्तु होइन यो त सरोकारवालाहरुले महशूस गर्ने अत्यन्तै महत्वपूर्ण विषय हो भनेर वास्तवमै अन्तर्मनले बुझ्नुपर्दछ । अनि,  व्यहारमा लागू गर्नुपर्दछ । संस्थागत सुशासन अत्यन्त जरुरी छ ।

४.सहकारी संघ संस्थामा कार्यरत कर्मचारीहरु, समिति र सदस्य अनि नियामक निकाय बीचका सेतु हुन, धरोहर हुन् । यदि यी कमजोर भए भने संस्था तथा अभियानमा ठूलो समस्या आउन सक्छ भन्ने विषयलाई सबैले अत्यन्तै गहन र जिम्मेवारीपूर्वक लिनुपर्छ । 

५. राजनीतिमा सहकारिता हुनुपर्छ–सहकारीमा राजनीति होइन । आज नेपालको सहकारी अभियानमा मडारिएका काला बादलका धब्बाहरु यिनै सहकारीभित्रका राजनीतिका बाछिटाहरु हुन् । तसर्थ यो बन्द हुनुपर्छ अनिमात्र सहकारी अभियानप्रति विश्वास बढ्छ ।

 

(सहकारी अभियन्ता सुदिप ढकालको विचार)

(एआई इमेज)