Sep 20 2026 | २०८३, असोज ४ गते
Follow us
२०८३, असोज ४ गते
Sep 20 2026 | २०८३, असोज ४ गते
काठमाडौं। प्रतिनिधिसभा निर्वाचन २०८२ अन्तर्गत आज फागुन २१ गते सम्पन्न मतदानमा देशभर ६० प्रतिशत मत खसेको प्रारम्भिक अनुमान निर्वाचन आयोगको रहेको छ । निर्वाचन आयोगका कार्यवहाक प्रमुख निर्वाचन आयुक्त रामप्रसाद भण्डारीले करिब ६० प्रतिशत मत खसेको पत्रकार सम्मेलनमा बताउनुभयो ।
‘मतदान कार्य शान्तिपूर्ण र उत्साहजनक रुपमा सम्पन्न भयो,’ कार्यवहाक प्रमुख निर्वाचन आयुक्त भण्डारीले प्रेस व्रिफिङमा भन्नुभयो, ‘देशभर ६० प्रतिशत मत खसेको प्रारम्भिक अनुमान छ।’
बिहीबार विहान ७ बजेदेखि साँझ ५ बजेसम्म मतदानको समय दिइएको थियो। देशभरि कुल २३,११२ मतदान केन्द्र र १०,९६७ मतदान स्थलहरू तोकिएका थिए। केही मतदान केन्द्रमा मतदानको प्रक्रिया जारी रहेकोले यो संख्या बढ्ने उहाँको भनाइ थियो । यसपटक निर्वाचनमा १ करोड ८९ लाख ३ हजार ६८९ मतदाता थिए।
