Sep 20 2026 | २०८३, असोज ४ गते
Follow us
२०८३, असोज ४ गते
Sep 20 2026 | २०८३, असोज ४ गते
काठमाडौं । मदन पुरस्कार २०८२ का लागि उत्कृष्ट १० पुस्तकको सूची सार्वजनिक गरिएको छ ।
मदन पुरस्कार गुठीका अध्यक्ष कुन्द दीक्षितले सोमबार जारी गरेको विज्ञप्तिअनुसार यस वर्ष पुरस्कारका लागि प्राप्त २९८ पुस्तकको मूल्यांकनपछि उत्कृष्ट मानिएका १० कृति छनोट गरिएको हो। यही सूचीबाट एक कृतिलाई मदन पुरस्कार २०८२ प्रदान गरिनेछ।
श्रेष्ठ सूचीमा केशवराज ज्ञवालीको अज्ञात, केशव दाहालको इथा, ललित विष्टको उत्कर्ष, रोशनकुमार झाको नेपालमण्डलसँग जोडिएको सिम्रौनगढको इतिहास तथा वीणा जोशी (राजभण्डारी) को नेवार समुदायका परम्परागत मुकुन्डोनाच समावेश छन्।
त्यसैगरी, उमा सुवेदीको परिधि, सीमा आभासको महायुग, श्रवण मुकारुङको सलह, डा.नवराज केसीको स्वस्पर्श र नदीशको हिउँद पनि उत्कृष्ट १० कृतिको सूचीमा समावेश छन्।
२०१२ सालमा स्थापित मदन पुरस्कारको पहिलो वितरण २०१३ सालमा गरिएको थियो। प्रारम्भिक वर्षमा सत्यमोहन जोशीको हाम्रो लोक संस्कृति, चित्तरञ्जन नेपालीको जनरल भीमसेन थापा र तत्कालीन नेपाल तथा बलराम जोशीको अधिकविभव स्थिरविद्युत् उत्पादक ले क्रमशः गद्य, सामाजिक शास्त्र र विज्ञान विधामा पुरस्कार प्राप्त गरेका थिए।
गुठीले वि. सं. २०७२ देखि प्रत्येक वर्ष प्राप्त पुस्तकहरूमध्ये अधिकतम १० उत्कृष्ट कृतिको श्रेष्ठ सूची सार्वजनिक गर्ने अभ्यास अवलम्बन गर्दै आएको छ। छनोट प्रक्रियामा पुस्तकभित्र समावेश अप्रकाशित सामग्रीलाई मुख्य मूल्यांकन आधारका रूपमा लिइने गुठीले जनाएको छ।
वि. सं. २०७५ सालदेखि मदन पुरस्कारको राशि चार लाख रुपैयाँ कायम छ।
