Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । पूर्व अमेरिकी राष्ट्रपति जो बाइडेनलाई प्रोस्टेट क्यान्सर देखिएको छ । उनको क्यान्सर हड्डीसम्म फैलिएको चिकित्सकहरुले गत शुक्रबार पत्ता लगाएका थिए । गत साता पिसाबसम्बन्धी समस्याका कारण चिकित्सकहरुले उपचार गर्दा बताएका छन् । ८२ वर्षीय बाइडेनलाई आक्रामक खालको क्यान्सर देखिएको बीबीसीले जनाएको छ ।
क्यान्सर रोग अनुसन्धान यूकेका अनुसार, बाइडेनलाई देखिएको क्यान्सर आक्रामक रूपको हो जसलाई १० मध्ये ९ को ग्लीसन स्कोरले चित्रण गरिएको छ। यसको अर्थ उनको रोगलाई ‘उच्च ग्रेड’ को रूपमा वर्गीकृत गरिएको छ । यसको अर्थ क्यान्सर कोषहरू शरीरमा छिट्टै फैलिन सक्छन्।
यसैबीच, राष्ट्रपति डोनाल्ड ट्रम्पले आफ्नो सामाजिक सञ्जाल प्लेटफर्म ट्रुथ सोसलमा उनी र प्रथम महिला मेलानिया ट्रम्पले बाइडेनको रोगबारेको खबरले दुःखित तुल्याएको उल्लेख गर्दै शीघ्र र सफल स्वास्थ्यलाभको कामना गर्नुभएको छ ।
बाइडेन कार्यकालकी उपराष्ट्रपति कमला ह्यारिसले उहाँ र उनका पति डग एम्हफ बाइडेन परिवारको लागि प्रार्थना गरिरहेको एक्समा लेख्नुभएको छ ।
‘जो एक लडाकु हुनुुहुन्छ – र मलाई थाहा छ उहाँले यो चुनौतीलाई त्यही शक्ति, लचकता र आशावादका साथ सामना गर्नुहुनेछ जसले उनको जीवन र नेतृत्वलाई सधैं परिभाषित गरेको छ,’ ह्यारिसले लेख्नुभएको छ ।
अमेरिकी क्यान्सर सोसाइटीका प्रोस्टेट क्यान्सर चिकित्सक डा। विलियम दाहुतले बाइडेनको क्यान्सर प्रकृतिमा बढी आक्रामक रहेको बीबीसीलाई बताउनुभएको छ ।
‘
