Sep 20 2026 | २०८३, असोज ४ गते
Follow us
२०८३, असोज ४ गते
Sep 20 2026 | २०८३, असोज ४ गते
काठमाडौं । स्थानीय तहको सहयोग, समन्वय र सक्रियता हुँदा अन्य क्षेत्रसँगै सहकारीका विद्यमान समस्या समाधानमा पनि सहयोग पुग्नेमा कसैको दुइमत हुन सक्दैन । यसो हुन सक्दा मात्र घरघरमा सिंहदरबारको वास्तविक अनुभूति हुन सक्छ । काठमाडौंको कागेश्वरी मनोहरा नगरपालिका अन्तर्गतको सहकारी तथा उद्यम विकास शाखाले पनि यस्तै सक्रियता देखाएर सहकारीमा फसेको सदस्यहरुको रकम फिर्तामा समन्वयकारी भूमिका निर्वाह गरेको छ । जसका कारण बचतकर्ता सदस्यहरुको मुहारमा खुसी मात्र छाएको छैन हाम्रो समस्यामा हाम्रो स्थानीय तह हरबखत साथ छ भन्ने विश्वास दिलाएको छ ।
नगरपालिकाको सहकारी तथा उद्यम विकास शाखाले आज असार ५ गते वडा नं ५ स्थित अविजित बचत तथा ऋण सहकारी संस्था लि. का पिडित सदस्य बचतकर्ताहरुको करिब १० लाख रकम फिर्ता गरेको जनाएको छ । सहकारीका समस्यामा सहजीकरण गर्ने, सम्बन्धित पक्षहरुलाई नगरपालिकामै बोलाएर छलफल गराउने, मध्यस्थता गर्ने र समस्या समाधानका लागि विशेष पहल गर्ने गरेको शाखा प्रमुख विश्वास ज्ञवालीले जानकारी गराउँदै आउनुभएको छ । सकेसम्म समस्यालाई आपसी समझदारी र सहमतिमा सुल्झाउन प्रयास गर्दै आएको सहकारी तथा उद्यम विकास शाखाले त्यसो गर्दा पनि नभए प्रचलित ऐन कानुन अनुसार कारबाही अघि बढाउने काम गर्दै आएको छ ।
शाखाले आफ्नो क्षेत्राधिकारभित्रका सहकारीहरुको नियमित अनुगमन, पृष्ठपोषण गर्नुका साथै सक्षमता अभिवृद्धिमा पनि काम गर्दै आएको छ भने आगामी आर्थिक वर्षको नीति, कार्यक्रमका सम्बन्धमा पनि सरोकारवालाहरुसँग सुझाव संकलन गरेको जनाएको छ ।
