बिपी कोइरालाको ४३औँ स्मृति दिवसका अवसरमा आज बिपी स्मृति अस्पताल, बिपी स्मृति प्रतिष्ठान र काँग्रेसको खेलकुद विभागले संयुक्त रूपमा आयोजना गरेको ‘देश विकास र देशवासीको उन्नतीको आधार बिपी’ विषयक अन्तरक्रियामा उहाँले बिपीको विचारमा अहिले मुलुक अगाडि बढिरहेको धारणा राख्नुभयो ।
“बिपीको विचारलाई काँग्रेसले छोड्यो भन्ने यत्रतत्र सुनिन्छ, तर काँग्रेसले बिपीको विचार छाडेको छैन, आज पनि मुलुक बिपीको प्रजातान्त्रिक समाजवादकै बाटोमा अगाडि बढेको छ”, उहाँले भन्नुभयो । डा.कोइरालाले बिपी कोइरालाको अन्तरराष्ट्रिय छवि राम्रो भएको बताउनुभयो। उहाँले बिपी कोइराला विचारमा अडिग नेता भएको बताउनुभयो ।
