Sep 19 2026 | २०८३, असोज ३ गते
Follow us
२०८३, असोज ३ गते
Sep 19 2026 | २०८३, असोज ३ गते
काठमाडौं । वाणिज्य, आपूर्ति तथा उपभोक्ता संरक्षण विभागले चार उद्योग एवम् फर्मलाई कारबाही गरेको छ ।
विभागले भक्तपुरको मध्यपुरथिमीमा रहेको न्यानो नेपाली सिरक उद्योगलाई २० हजार रुपैयाँ जरिवानासहित कारबाही गरेको छ । सल्लाघारीमा रहेको श्री चोङ्गा गणेश हार्डवेयर र त्यही ठाउँमा रहेको कृष्ण प्लाइउड एण्ड पेन्टलाई समान १० हजार रुपैयाँ जरिवानासहित कारबाही गरेको छ ।
त्यस्तै, काठमाण्डौ महानगरपालिका–१६ मा रहेको इमरान रेडिमेडलाई पनि १० हजार रुपैयाँ जरिवाना गरेको छ । ती फर्मलाई उपभोक्ता संरक्षण ऐन, २०७५ को दफा १५, दफा ३८ को ‘घ’ को कसुरमा कारबाही गरिएको विभागले जनाएको छ ।
हिजो विभागले काठमाण्डौ, भक्तपुर र ललितपुरका विभिन्न १५ वटा फर्ममा अनुगमन गरेको थियो ।
